八月 (已結業)

今次呢到屯门呢间八月， 食呢个只要有恒生信用卡主卡即可以888元享用既套餐。首先系头盘，海蜇麻油味重， 质感弹牙但味道偏淡，而中间就系蜜豆，甜甜地都几过瘾，最后只鸡都可以，唔系特别滑，但味道都唔错。呢个系燕窝翅，味道同平时食开果D翅一样， 不过佢加咗燕窝系面 ，唔知食完会唔会靓啲呢呢个系虾球炒乌冬， 我个人觉得呢个非常之好食， 除咗虾球非常之大粒之外， 佢嘅乌冬亦都系非常之弹牙 ，烟烟靭靭 ，好好食！带子像拔蚌炒西兰花，带子鲜味，西兰花都够冧，唔会好硬，而象拔蚌就比较韧，整体上都炒得几惹味。鲍鱼鸭脚扎， 呢个鲍鱼汁香浓， 鲍鱼亦都非常之弹㗎 ，而鸭脚札既骨胶原好高 ，食完已经黏住咗我个嘴。最后我哋另外追加咗甜品蛋散 同 焦糖炖蛋， 个蛋散非常之松化 ，钟意食甜野既朋友 ，必定要嗌呢个嚟试试， 蛋散隔离彩色嘅系好似绵花糖嘅糖丝， 佢比棉花糖硬身少少 ，食落好有口感。 而最后就系佢呢个生果焦糖炖蛋，生果下面铺咗一层脆卜卜嘅焦糖， 炖蛋非常之香滑，味道不错， 加上水果嘅清新，Mix埋一齐食真系一种唔错既享受。