Donkey & Sheep (已結業)

阳光普照嘅中午出左黎铜锣湾行街，顺便黎食埋个午餐先。同朋友黎左十三楼嘅西餐厅，望住成个铜锣湾景，虽然好多高楼大厦，但个景都唔错㖞。坐低一阵，店员递上软糖一罐，虽然无食到，但望下都几靓吖。是日餐汤，无试，朋友话几香滑。是日沙律，沙律菜新鲜爽脆，但黑醋汁略微过酸了点。朋友点嘅鲍鱼海胆意大利饭，西日cross over几新颖㖞，试左啲意大利饭，软绵又重菇味，几正㖞。另一个点左鸡扒配薯菜，厚烧鸡扒肉嫩多汁，个皮煎得香脆。仲点左牛扒配意粉，牛味浓郁唔错㖞。自己点左鱼柳配薯菜，蕃茄酱汁酸酸甜甜同鱼柳几夹，鱼肉嫩滑，仲有两大块食得好满足。再加左个冬荫功薯仔，芝士加烟肉焗薯仔，再加左个冬荫功汁，好特别又好味。紫露凝香嘅薰衣草花茶，好香薰衣草味。红粉绯绯嘅玫瑰花茶，玫瑰花味浓郁。自己点嘅苹水相逢，即系苹果茶，甜甜香香好正。玫瑰咖啡，啡味浓得黎带少少玫瑰花味。五个人share食饱饱，正。