影片
更多
2014-02-27
830 浏览
除咗病以外，有时我同老婆都想清淡少少，就会想起嚟食粥。晌美孚区卖粥嘅铺头唔多，之前试过一次内街「味味佳小厨粥面店」嘅生滚黄蟮田鸡粥，觉得麻麻哋，所以，其后都多数帮衬海皇粥店。价钱合理，质素稳定，又正正晌地铁口，故此，次次嚟都见唔少街坊、生客帮衬 。 南瓜粟米肉碎粥 $19大大碗橙黄色南瓜粥底，还算绵滑，几香南瓜味，加有少少粟米粒同瘦肉球，瘦肉球 ？无错，真喺瘦肉球，唔喺肉碎，可见厨房做得几俹簁，因为依个错体版南瓜粟米肉碎粥咁样，先至打算写番篇食评纪念佢 。 菜干排骨粥 $20暗绿色嘅菜干排骨粥，粥底水准当然唔会太大落差，不过，嫌佢菜干少，粥底欠咗啲菜干香味 ，而排骨亦都较为缩水，细粒肉少。 蒸萝卜糕 $13 见佢墙上广告牌话蒸萝卜糕配料增加30%，尽管点一客试试。我哋都较少晌海皇食萝卜糕，对上一次食都唔知几时嘅事，所以，佢话配料增加30%，其实都无得比较。只可以话，件蒸萝卜糕颇香萝卜味，内里好多一丝丝萝卜丝，几清甜，夹杂少少虾米，基本嚟讲，蘸点甜豉油嚟食，味道唔错。清清淡淡又一餐，只希望下次啲「肉碎」做得认真啲啫！
南瓜粟米肉碎粥 $19大大碗橙黄色南瓜粥底，还算绵滑，几香南瓜味，加有少少粟米粒同瘦肉球，瘦肉球 ？无错，真喺瘦肉球，唔喺肉碎，可见厨房做得几俹簁，因为依个错体版南瓜粟米肉碎粥咁样，先至打算写番篇食评纪念佢 。
菜干排骨粥 $20暗绿色嘅菜干排骨粥，粥底水准当然唔会太大落差，不过，嫌佢菜干少，粥底欠咗啲菜干香味 ，而排骨亦都较为缩水，细粒肉少。
蒸萝卜糕 $13 见佢墙上广告牌话蒸萝卜糕配料增加30%，尽管点一客试试。我哋都较少晌海皇食萝卜糕，对上一次食都唔知几时嘅事，所以，佢话配料增加30%，其实都无得比较。只可以话，件蒸萝卜糕颇香萝卜味，内里好多一丝丝萝卜丝，几清甜，夹杂少少虾米，基本嚟讲，蘸点甜豉油嚟食，味道唔错。
清清淡淡又一餐，只希望下次啲「肉碎」做得认真啲啫！
张贴
