甜牙牙

营业中

休息中

夜晚系旺角食完饭之后，同男友一齐行街街，行到咁上下，谂住食完个糖水先走~ 宵夜时间，入面已经坐满哂人，我地要等大约15分钟左右～首先叫左个Strawberry Waffle($48)卖相都算唔错，只系实物既士多啤梨少左而且无咁厚切(变成薄薄一片)，但都系可以接受喔。蜜糖系用一个小器皿装住，分开上, 可以自己调校甜味。可惜成个甜品败笔系Waffle 身上以及个自家制士多啤梨酱。一食落口，waffle 只系暖暖地，连热都称唔上, 而好食既waffle 应该热腾腾送上......自家制既士多啤梨酱，我自己觉得过酸，无乜甜味，份量好少，而且酱亦都唔够浓。雪糕无咩特别，我自己拣左云呢拿口味（仲有朱古力味选择喔）。本来窝夫配雪糕系有冷热交替既口感，但呢个完全无，好失望......朋友叫既系桂花荔枝雪糕号($40)好伏!!卖相系超水状，虽然知道会有荔枝汁，但实物同相片相差颇远。桂花茶冻配荔枝雪糕佐荔枝汁，但现实系，面头铺住无味既碎冰覆盖住荔枝雪糕，然后桂花茶冻系无桂花味，我觉得似系食紧鱼胶粉，to be frank,酒楼整既好似仲更加好食......最后，朋友净系食左个雪糕同一旧茶冻，因为成盘野好快