東羅 泰館 (已結業)

原本只系想系裕民坊YM入面食个简单嘅午餐，但系点知第一次入黎食，就已经换黎一个咁不被尊重的体验。入到去我被安排左坐高凳的位置，其后我亦都落左单，过左一阵，对面卡位的客人走左，咁我就坐左过去，而另一位同事系知悉此事，但点知突然俾一个女同事(扎低鞭的，其他叫佢丫cat)用一个非常之不尊重的语气问我系咪落左单，我答系丫，随后佢俾左一个好吾奈烦的眼神同表情我，暗示我做咩自己私自转枱。作为第一次光顾的客人，我真系觉得好激气，事后我立即同刚才知悉我转位的同事问一声: 我头先有同你讲一声话转位架嘛。对方亦回答系丫。但系个位恶言相向的女同事就凶神恶杀嘅样话我搞乱左厨房落单的次序，佢仲反驳话佢只系跟程序做嘢。哇，我真系觉得好白眼，连隔离枱的客人都睇唔过眼，转枱好小事，唔需要用一个咁冇礼貌的态度同一位客人讲嘢，好似我做错野咁。你唔知道我转左位，咁呢个就系你同你同事之间沟通的问题。我吾知呢位员工知唔知咩系待客之道同埋基本的礼貌训练。最后餐饭仲收我service charge, 请问何来有服务？令到我心甘情愿咁你地呢？我问左其他同事，原来间餐厅只系上年先开业，佢咁样只会赶客。