元朗合隆潮州粉麵 (新文華中心)

营业中

休息中

又系去开尖沙咀𠮶头做嘢行到去尖东𠮶度想同个朋友坐低食啲嘢，不过上次讲咗唔会再去食𠮶间牛腩牛杂，所以就行过少少试吓，呢一间粉面店，其实个人嚟讲个外表装修真系唔系好吸引，𠮶种怀旧风味有少少尴尬，不过重点当然其实系讲紧佢嘅食物。我叫咗个胡椒汤底牛脷猪脷墨鱼头面，第一样嘢系胡椒汤底有惊喜，跟住有得选择嘅呢三个𩠌亦都唔系成日都有，所以系食得开心好味嘅。另外叫咗个牛肉汤饼做𩠌，佢𠮶个汤亦都唔错，牛肉饼本身系有惊喜嘅。跟住仲有叫咗个醉鸡，份量方面有啲偏少，但系味道方面都系唔错。最后忍唔住加咗个炸鳗鱼皮，呢个味道都好香，亦都好够脆又唔唔会太韧。总括嚟讲全部都系比想像中好，所以好大机会会再返嚟食过。