悅滿軒

原本我对法国菜系冇乜兴趣嘅，但今日同朋友嚟到呢间餐厅后成个大改观！啲嘢食真系有俾佢惊艳到💕💕✨美国顶级牛腹肉12安士卖相已经好吸引，份量十足！肉质非常嫩滑，脂肪分布均匀。五成熟嘅牛腹肉鲜嫩多汁，送入口嘅时候散发住浓郁嘅牛肉味，超级嫩口！仲配埋其他配菜同薯仔，椰菜花同萝卜都带住微微烧烤嘅味道，营养均衡！✨烤焗法国脆皮黄油鸡配炒栗子椰菜仔，西班牙红椒忌廉汁～鸡肉经过焗烤之后仲保持住鲜嫩多汁嘅口感，散发出浓浓嘅牛油味，最钟意就系外层烤到金黄酥脆嘅脆皮！餐厅仲配埋西班牙红椒忌廉汁，鲜艳嘅橙红色睇见都开胃！蔬菜方面就配咗炒栗子同埋椰菜仔，口感超丰富！✨澳洲蓝青口配西班牙蓝芝士忌廉汁．薯条青口嘅份量好多，粒粒青口都开咗口，好大粒！而个汁加咗微微带点腐乳味嘅蓝芝士，令到酱汁更有层次，味道更丰富！新鲜青口唔需要任何调味就已经好鲜美，再加埋超浓郁嘅忌廉味，唔会太腻，好creamy🤤