MG Cafe

营业中

休息中

我千里迢迢嚟到呢一间café ,谂住食个all day 叹一叹。一入到去，发觉个环境好静好relax，员工帮我点餐嘅时候亦好有礼貌亦有笑容。而我就拣左一个Classic breakfast 加一杯 Ice Americano 。点完无耐，饮品同食物就陆续黎。送餐速度都算快。我一望个breakfast 就觉得份量有啲细，不过食物尚算可以，牛角包又不太硬，蛋亦够滑。直到呢个餐就食完既时候，我咬到一块硬物，我一吐出黎，原来系一块蛋壳。咁我都明白，有时只系不小心打错蛋壳落去煮。所以我都无去叫人黎睇。咁我就继续食。点知又咬到野。我心念，又系蛋壳？结果一吐出来，系两大块蛋壳。我真系唔明白作为饮食业点可以咁唔小心将咁多蛋壳，跌入食物里面而发现唔到。而今次，我忍唔住叫咗佢员工过嚟睇。个日员工睇住，静止左几秒。(我谂佢都唔知点样答我)。然后佢话帮我同厨房反映下。之后就无左件事。我自问都唔系啲难搞既客，亦都无去r佢地任何野。但系至少都应该俾左交代我。而唔系调低一句官腔说话就走咗去。