閩味千里香餛飩皇

营业中

休息中

位于观塘康宁道嘅闽味千里香馄饨皇，店嘅外表同店面都平平无奇，行过都唔太留意得到小店嘅存在。入到去有几枱客人，但环境非常安静。平平无奇嘅小店内藏高质馄饨饺子。特别要推荐小馄饨＆煎饺子。小馄饨皮薄，入口滑溜，煎饺子外皮煎得好香口，而且锁住肉汁，唔会煎到好干身硬掘掘，大大粒，食得好过瘾呀～「色」「香」「味」嚟讲，除咗无「色」，卖相唔多吸引外，「香」同「味」都绝对有水准㗎～ 价钱嚟讲，尚算合理，一行二人，食左5样食物，饱到上心口，埋单$154。