太平洋咖啡 (希慎廣場)

营业中

休息中

如果唔系朋友送我一张$50 pacific coffee gift card 我都好少机会会嚟pacific coffee 老老实实佢哋嘅出品整体都系水平以下，今日嚟到希慎广场5楼，就顺便用咗佢先。整体食物和饮品价钱应该系比Starbucks平少少。希慎广场呢间嘅面积中等，大约坐到30+人左右，食物种类都唔算好多，甜品亦都唔太吸引。点左一份烟三文鱼牛角包Matcha Latte 店员为我再翻热个牛角包，但系好唔明点解返热个牛角包之后会稔晒嘅，明明系焗炉㖞？！个包馅料有烟三文鱼、生菜和番茄，味道正常，廿几蚊水准都系咁上下。反观杯热Matcha Latte 令到我眼前一亮，抹茶香味十分浓郁，少许嘅苦涩抹茶味和牛奶甜味平衡得唔错，而且略带回甘，最重要系热度十足，啱我口味。