影片
更多
2021-04-25
62 浏览
呢个舖头名绝都系我选择呢度嘅原因，段纯贞——听起来好似武功好高强咁，好有气势喺如心广场揾嘢食，喺水牌见到呢个名就决定要嚟呢度，嚟嘅时候唔系好多人唔使等位，舖头好新，地方阔落好坐，十分干净。横梁上挂住一幅字画，讲咗呢间舖头嘅由来同埋制造食物嘅过程。原来创始人本身系四川人后来去咗台湾发展，可能系咁嘅原因佢嘅味道同我食开嘅台湾牛肉面好唔同。我食嘅系三宝粗面，有牛展、牛筋、牛肚。个汤10分浓郁，好深色，有啲似肉骨茶咁。问题系个粗面实在太。硬。啦。吸收唔到啲汤汁，咬到好攰。另一碗系基本牛肉面，因为系台湾面（中等粗度）冇咁硬，所以觉得好食啲。另外仲叫咗鸡汤抄手（张相系食咗两粒先记得影）呢个真系冇乜特别，同埋用个碟来装，好难饮到啲鸡汤，如果用个汤碗会好啲。香港近来越来越多台湾牛肉面店，自己一直都好钟意程班长，但始终喺工厂大厦入边，好似食快餐咁好快食完就要走。呢间嘅辨识度非常高，食一次就一定唔会唔记得佢嘅味道，但系呢个派别唔系好啱我，但相信有好多人都钟意，因为佢门口预咗两条俾人排队嘅地方，旺嘅时间一定好多人等位啦。
喺如心广场揾嘢食，喺水牌见到呢个名就决定要嚟呢度，嚟嘅时候唔系好多人唔使等位，舖头好新，地方阔落好坐，十分干净。横梁上挂住一幅字画，讲咗呢间舖头嘅由来同埋制造食物嘅过程。原来创始人本身系四川人后来去咗台湾发展，可能系咁嘅原因佢嘅味道同我食开嘅台湾牛肉面好唔同。
我食嘅系三宝粗面，有牛展、牛筋、牛肚。个汤10分浓郁，好深色，有啲似肉骨茶咁。问题系个粗面实在太。硬。啦。吸收唔到啲汤汁，咬到好攰。另一碗系基本牛肉面，因为系台湾面（中等粗度）冇咁硬，所以觉得好食啲。
另外仲叫咗鸡汤抄手（张相系食咗两粒先记得影）呢个真系冇乜特别，同埋用个碟来装，好难饮到啲鸡汤，如果用个汤碗会好啲。
香港近来越来越多台湾牛肉面店，自己一直都好钟意程班长，但始终喺工厂大厦入边，好似食快餐咁好快食完就要走。呢间嘅辨识度非常高，食一次就一定唔会唔记得佢嘅味道，但系呢个派别唔系好啱我，但相信有好多人都钟意，因为佢门口预咗两条俾人排队嘅地方，旺嘅时间一定好多人等位啦。
张贴
