影片
更多
2024-05-31
4448 浏览
情人节果日嚟过🌹，事后写食评时话会再嚟试试，于是4月份借同朋友补祝生日为名🎂，订咗周六lunch time过嚟。之前麻麻哋的用餐体验，今次一总算系一扫而空🧹。。。不过，都仲有少少美中不足（等阵再讲）🤫~虽然系周六，但餐厅客人唔多，3-4台客。唔知系咪想方便上菜同照顾🤔，餐厅安排客人坐得几接近。但今次同上次唔同，就系2个人都会被安排坐4人台，所以较舒适💆🏻💆🏻。上次入座的位置唔少灯烧咗或只有将残余光，今次吊灯已修理，但同区的几支射灯就冇再发光喇💫（餐厅喺2月份时提过系电路/线路问题，难处理）。同朋友2个人，点咗1个午餐🍽️同埋餐牌里面的2款食物。（午餐）尼斯沙律🥗：简单、清新、好食；朋友尤其欣赏沙律中的腌洋葱（午餐）卡苏莱砂锅🍲：上次食过类似菜式，午餐+$30可点呢个主菜，重蛋白质，好多豆🫘，素鸭腿亦系黄豆制品（腐竹）（午餐）法式焦糖炖蛋🍮：本身钟意食焦糖炖蛋，食之前好期待，希望纯素版可媲美正常版，但佢做唔到🙈；焦糖面食落有少少似代糖（事后求证冇用代糖），甜味同甜度唔讨好；炖蛋的质感好「削」、好「水」、好散，难以形容，好失望，除咗媲美唔到正常版，我觉得有啲难食添😭；可能有啲食物喺冇蛋奶的情
之前麻麻哋的用餐体验，今次一总算系一扫而空🧹。。。不过，都仲有少少美中不足（等阵再讲）🤫~
虽然系周六，但餐厅客人唔多，3-4台客。唔知系咪想方便上菜同照顾🤔，餐厅安排客人坐得几接近。但今次同上次唔同，就系2个人都会被安排坐4人台，所以较舒适💆🏻💆🏻。上次入座的位置唔少灯烧咗或只有将残余光，今次吊灯已修理，但同区的几支射灯就冇再发光喇💫（餐厅喺2月份时提过系电路/线路问题，难处理）。
同朋友2个人，点咗1个午餐🍽️同埋餐牌里面的2款食物。
（午餐）尼斯沙律🥗：简单、清新、好食；朋友尤其欣赏沙律中的腌洋葱
（午餐）尼斯沙律
61 浏览
0 赞好
0 留言
（午餐）卡苏莱砂锅🍲：上次食过类似菜式，午餐+$30可点呢个主菜，重蛋白质，好多豆🫘，素鸭腿亦系黄豆制品（腐竹）
（午餐）卡苏莱砂锅
64 浏览
0 赞好
0 留言
（午餐）法式焦糖炖蛋🍮：本身钟意食焦糖炖蛋，食之前好期待，希望纯素版可媲美正常版，但佢做唔到🙈；焦糖面食落有少少似代糖（事后求证冇用代糖），甜味同甜度唔讨好；炖蛋的质感好「削」、好「水」、好散，难以形容，好失望，除咗媲美唔到正常版，我觉得有啲难食添😭；可能有啲食物喺冇蛋奶的情况下系做唔出一个令人称心满意的替代版，所以我觉得接受就好，餐厅可考虑剔除呢个甜品选项
（午餐）法式焦糖炖蛋
78 浏览
0 赞好
0 留言
齐米诺鱿鱼🦑：非常好食👍🏻👍🏻；以鸡脾菇🍄制作，口感同真鱿鱼一样烟韧，几可乱真；酱汁惹味；垫底的菠菜份量好足
齐米诺鱿鱼
273 浏览
0 赞好
0 留言
法式纸包鱼🐟：好精彩🎇🎆！情人节menu已试过餐厅的鱼料理，加上openrice食评有唔少人话系必点，所以试下；酱汁微辣，香料/香味突出，虽然食材唔系矜贵材料，系Omni fish fillet，但必须讲，食材虽然轻而易举可以买到，但自己制作就整唔出呢个令人回味的高水平，加上presentation提供拆礼物🎁的仪式感👏🏻👏🏻，我觉得系值得既😙
法式纸包鱼
49 浏览
0 赞好
0 留言
法式纸包鱼
112 浏览
0 赞好
0 留言
今次餐厅的侍应唔同咗，佢几称职，有耐性解释同有礼貌🥰。餐厅依然未做到等客人食完一道菜，接住/等一阵再上第二道菜，反而系按餐厅出菜的节奏，一煮好就「晒冷」🥗🍲🥘，直接将几道菜放台面，好似食中菜或意大利pizza🍕咁，呢样我觉得可以再留意下。开头提过的美中不足：朋友好满意呢餐生日饭🍽️，用餐过程中对食物赞不绝口😍，最后上甜品，谂住系近乎完美的句号，因为事前我同餐厅沟通咗，餐厅可以帮我喺甜品碟上写生日祝福（用WhatsApp📱联络，有文字纪录），因为语句简单，真系谂住万无一失既😂！当侍应送上甜品，见到碟边用金色写上生日祝福字款，好靓呀😍，只系。。。朋友个名竟然写漏一个字母（个名系常见的英文名，5个字母），真系好难留意唔到😥，呢个都系一个几尴尬的surprise🎉🥴。果刻我觉得几丑怪😥，朋友就唔介意，话冇所谓，影完相，我就要自行p图加番个消失的字母落去🫣🫣🫣
餐厅的食物真系10个赞👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻，我成日都担心佢会做唔住，如果佢消失咗，真系非常可惜的事。同时，我又有少少恨铁不成钢的心理，佢的价钱再mark up都仲可以，但用餐体验系好整体、整全的一回事，细节位系需要多啲关注架~~
（午餐）餐前饮品
52 浏览
0 赞好
0 留言
张贴
