影片
更多
2024-03-14
762 浏览
用openrice咁多年一直都冇写过食评，今日第一次！😂揾食揾到呢间，主打鸡汤粉面饭，好耐之前有朋友社交媒体话好正咁我又试下啦，中午都要排下队但好快到我，未坐低就叫左个花胶鸡汤翅银针粉。餐牌仲有醉香同麻辣小食，竟然小店会有醉鹅肝😱好啦咁我又试下😌第一样上嘅系个花胶鸡针粉，如同我认知嘅鸡汤翅一样系奶白色有层黄油，有几旧大花胶（？）、鸡肉（好彩系髀位唔怕鞋！），出哂烟咁够哂热！好快就上埋个鹅肝，薄切同埋都几白净🥴有啲微妙感渗进我内心…碗粉太热啦我梗系试左个肝先…点解口感就好似食紧冻牛油咁嘅？重点黎啦——》「肝冇肝味」嘅喂！醉香系有但其实唔重手，所以唔觉得因为呢个因素令个肝味走左！ 唉唉…咁样我先返去个主菜先啦可能第一口啫味蕾未训醒呀吓。鸡汤调味都适中食完唔觉得口干，不过个人口味就觉得个汤金华火腿味比鸡味重，入面有少量鱼唇。花胶就系出面打边炉白雪雪果只，但都几大旧都多嘅，当然不能用干货好贵果啲相比啦🙂银针粉有少少烟韧唔会断哂入口散烂呢个唔错，鸡髀唔洗讲啦唔会鞋有鸡味嘅！好啦，过左阵我再返焯个肝，唔…都冇咩要补充嘅呢🤗因为都唔平我唔想浪费尽食但都唔得啦…鸡汤粉间唔中食下过下口瘾可以嘅，但个肝真
揾食揾到呢间，主打鸡汤粉面饭，好耐之前有朋友社交媒体话好正咁我又试下啦，中午都要排下队但好快到我，未坐低就叫左个花胶鸡汤翅银针粉。
餐牌仲有醉香同麻辣小食，竟然小店会有醉鹅肝😱好啦咁我又试下😌
第一样上嘅系个花胶鸡针粉，如同我认知嘅鸡汤翅一样系奶白色有层黄油，有几旧大花胶（？）、鸡肉（好彩系髀位唔怕鞋！），出哂烟咁够哂热！
好快就上埋个鹅肝，薄切同埋都几白净🥴有啲微妙感渗进我内心…
碗粉太热啦我梗系试左个肝先…点解口感就好似食紧冻牛油咁嘅？重点黎啦——》「肝冇肝味」嘅喂！醉香系有但其实唔重手，所以唔觉得因为呢个因素令个肝味走左！
唉唉…咁样我先返去个主菜先啦可能第一口啫味蕾未训醒呀吓。鸡汤调味都适中食完唔觉得口干，不过个人口味就觉得个汤金华火腿味比鸡味重，入面有少量鱼唇。花胶就系出面打边炉白雪雪果只，但都几大旧都多嘅，当然不能用干货好贵果啲相比啦🙂银针粉有少少烟韧唔会断哂入口散烂呢个唔错，鸡髀唔洗讲啦唔会鞋有鸡味嘅！
好啦，过左阵我再返焯个肝，唔…都冇咩要补充嘅呢🤗因为都唔平我唔想浪费尽食但都唔得啦…
鸡汤粉间唔中食下过下口瘾可以嘅，但个肝真心奇怪早知食鸭舌算啦，傻仔左😆
张贴