倪姐泰國美食 (已結業)

怀念泰国美食，今次拣咗呢间倪姐，星期六大约八点入座，唔算多人，唔使等位，空间较大，唔使位贴位，坐得尚算舒服。叫咗冬荫功炒饭，烧鸡全翼同泰式炒通菜。先上菜既系冬荫功炒饭，虽然我唔食得辣，但就系非常钟意食冬荫功，呢个饭绝对满足到我，因为就好似系将成个冬荫功汤底捞落个饭度炒，冬荫功味非常浓郁，加上配料绝不欺场，有虾，秀珍菇，同埋平时食冬荫功既其他香料等，我觉得呢个饭绝对可以encore.泰式炒通菜，配虾干炒，微辣，炒得好香同刚刚好，通菜仍然爽口，配上都算浓味既虾酱，都系食到停唔到口。至于个烧鸡翼，相比起之前两个菜，就真系冇乜特别，略嫌普通咗啲，下次可以再试吓其他串烧。总括唻讲倪姐既食物水准算中上，算系真材实料，价钱一般，有加一，我觉得有机会系可以再战既。