影片
更多
2023-09-25
1404 浏览
啱啱去完一趟远行返嚟，都喺觉得香港食嘢选择多，质素又高，价钱又相对划算，所以，趁今晚约咗表哥出嚟聚一聚，食饭之余，顺便俾啲手信佢，更加食番餐好嘅。在网上搜寻就揾到呢间主打泰式加西式嘅楼上餐厅「茴香」，加上见佢有唔少好评，觉得喺稳阵之选。 餐厅位于17楼全层，门面好有田园感，入到里面感觉又截然不同，好有一种法式小馆嘅感觉，装修清雅，墙身加咗啲大玻璃镜，增加空间感，此外，餐厅尾有少少户外位，不过是晚好爆吓，就唔方便出去影相。 先讲讲主餐牌嘅散点菜式，十类包括前菜、手制薄饼、意大利面、意大利饭、海鲜主菜、肉类主菜，以及多款伴菜。 当然拣佢哋嘅半自助晚市套餐计落就会抵啲，而个套餐玩法分三道菜$368、四道菜$438、五道菜$498，包括精选沙律吧、餐汤、前菜、主菜、甜品，却唔包饮品，视乎你拣几多道菜嚟定价，但需留意一点，拣选部分菜式喺要额外加钱嘅。 精选沙律吧先介绍过沙律吧，就设晌餐厅嘅正中央，话就话沙律吧，其实都有好几款冷盘食物。沙律类就包括有本地有机沙律菜、茴香鸡肉羽衣甘蓝、红菜头香橙沙律，仲有多款新鲜生果，另一边水吧位前面仲有啲红腰豆、黑橄榄、粟米粒、面包粒，以及四款酱汁，如乳酪香橙汁、
餐厅位于17楼全层，门面好有田园感，入到里面感觉又截然不同，好有一种法式小馆嘅感觉，装修清雅，墙身加咗啲大玻璃镜，增加空间感，此外，餐厅尾有少少户外位，不过是晚好爆吓，就唔方便出去影相。
先讲讲主餐牌嘅散点菜式，十类包括前菜、手制薄饼、意大利面、意大利饭、海鲜主菜、肉类主菜，以及多款伴菜。
当然拣佢哋嘅半自助晚市套餐计落就会抵啲，而个套餐玩法分三道菜$368、四道菜$438、五道菜$498，包括精选沙律吧、餐汤、前菜、主菜、甜品，却唔包饮品，视乎你拣几多道菜嚟定价，但需留意一点，拣选部分菜式喺要额外加钱嘅。
精选沙律吧先介绍过沙律吧，就设晌餐厅嘅正中央，话就话沙律吧，其实都有好几款冷盘食物。沙律类就包括有本地有机沙律菜、茴香鸡肉羽衣甘蓝、红菜头香橙沙律，仲有多款新鲜生果，另一边水吧位前面仲有啲红腰豆、黑橄榄、粟米粒、面包粒，以及四款酱汁，如乳酪香橙汁、蜜糖芥末籽沙律酱……等等。
小弟就一向喜欢以沙律打头阵，开开胃纳。的确几款沙律菜都好新鲜，沙律菜咬落十分爽脆，啲红菜头又青甜，搭埋啲生果，以及乳酪香橙汁，真喺越食越开胃。
跟住就介绍下沙律吧嘅冷盘食物，包括有芝士盘（蓝芝士、芳堤娜芝士、布里芝士）、加拿大雪场蟹脚、莎乐美肠、三文鱼脆脆、溏心蛋。所以，单喺全个自助沙律吧嘅食物，都已经有啲睇头。
都喺样样都拣少少嚟试，试过好食先再添都未迟。试过之后，又真喺值得翻兜，雪场蟹脚好鲜甜，几款芝士又各有韵味，配啲果干，味道更有个性，仲有只溏心蛋做得好有水准，蛋黄香浓。
是日餐汤大大碗南瓜忌廉汤，仲配上一小件蒜蓉包，虽然南瓜汤唔系咩特别嘢，不过，做出嚟嘅质感好唔错，几滑溜，兼且南瓜味极为突出，好香甜。
南瓜忌廉汤
13 浏览
0 赞好
0 留言
法式椰子鸡汤 +$28表哥就真喺识拣，拣呢个椰子鸡汤，呢个汤喺有侍应即场将清鸡汤倒落碟中，汤色清而不浊，佢话饮落鸡味意外地咁香浓，还带点点椰子清香，
却一点油腻都无，呢个就喺法式清汤嘅卖点，利用蛋白吸走啲油份，喺功夫兼心机嘢！
法式椰子鸡汤
7 浏览
0 赞好
0 留言
泰式小食拼盘 前菜拣个小食拼盘，真喺无拣错，因为呢个拼盘根本上就喺二人份，包括有烧猪颈肉、墨鱼饼、香茅鸡翼、薯丝虾、春卷同虾片。整体嚟讲，炸得甘香不油腻，猪颈肉烧得爽口，墨鱼饼好弹牙，绝对唔喺沟粉货色，鸡翼腌得入味，香茅味突出，薯丝虾亦好有特色，沾上泰式甜酸酱，更具泰式风味。
泰式小食拼盘
18 浏览
0 赞好
0 留言
香煎蟹饼配柚子茴香沙律 +$38食泰国野，前菜嘅泰式生虾喺代表菜式，不过表哥就话今次唔喺咁敢食生嘢，所以拣咗香煎蟹饼。切开一睇就知蟹饼真材实料，一梳梳蟹肉，而食落蟹味浓郁、鲜甜，而沙律加咗柚子汁，味道更清新。
香煎鹅肝黑松露鸡卷主菜类我哋都拣咗两款唔使加钱嘅菜式，先分享呢个鸡卷，其实都有少少功夫，将鸡肉卷住鹅肝并加入黑松露酱，再将外层煎香，咬落外皮甘香脆口，而鸡肉几嫩滑，中间嘅鹅肝及黑松露，令到整体味道更丰富，仲伴有少少炒蘑菇、烤薯、BB 芦笋，都令到呢道主菜生色不少。
阿根廷红虾扁意粉配青柠红虾他他表哥未食过咩红虾，所以，一于点嚟俾佢试试，呢道意大利面卖相都好精致，比起一啲高级西餐厅一啲都唔失礼，唔单只有煎香咗嘅阿根廷红虾
，更做咗少少红虾他他，可以讲系「一鸡两食」。红虾本身嘅虾味好鲜甜浓郁，而且又够爽口，质素已经赢在起跑线，扁意粉煮得啱啱好，入口好有咬口，再者，沾满晒加入虾膏所做嘅酱汁，丰腴芳香，并带微微辣劲，有少少刺激感，值得推荐。
阿根廷红虾扁意粉配青柠红虾他他
10 浏览
0 赞好
0 留言
虽然今晚 可以讲座无虚席，但招呼一样好烫贴，侍应不时为我哋添水、收碟，同埋都几好礼貌，又问下我哋啲嘢啱唔啱食。不过，温馨提示，用餐时间90分钟，当然，都要视乎入座率，侍应话假如无乜客等位，坐耐少少都OK嘅。
张贴
