魚蛋佬

营业中

休息中

呢间太安楼食店听就听得多，但系一直都未试过。原因系上一次去太安楼嘅时候系下午，呢间舖头未开门。今次星期六夜晚大约8:00去到已经见到一大条长龙，谂住都系吉下鱼蛋应该好快就照排啦。点知都排咗成差唔多30分钟先买到，老实讲咁嘅天气要排30分钟一定要好好食先对得住自己。。。我哋买咗芝士肠鱼蛋墨鱼丸牛柏叶各一串。鱼蛋我觉得系好食嘅，墨鱼丸都唔错，芝士肠就普通啦。佢个沙嗲汁系好经典嘅沙嗲汁，老实讲系好味嘅，但系又唔系话惊艳或者有啲咩咁特别价钱嚟讲佢系平嘅，但系要排30分钟我就觉得可能会有其他选择。咁当然今次我哋唔赶时间，亦都唔肚饿，咁30分钟倾吓偈都OK嘅