蔡潤記

营业中

休息中

闲日下午茶时间，门口铁闸开剩一道细门，仅够一个人进出。一入舖，店员通知河粉卖晒，落完我呢张单牛筋鱼蛋粗，入多三个客，店员宣布食物沽清。碗面要花一段时间先会上枱，店主亦贴出公告温馨提示，值唔值得等，就好主观喇。牛筋切小件上，煮到完全淋身，老友记都食到；鱼蛋同其他老字号一样，细细粒兼弹牙。讲鱼蛋，个人钟意另一老舖多啲啲，不过呢度个汤就冇得输。汤头够热，唔太咸，亦唔会有劲口渴的副作用；粗面够爽，冇咩碱水味，用汤匙垫起啲面免浸晒入汤，做法够细心喔。牛筋沾辣椒油同醋食，味道更好。