大井町日式放題 (已結業)

今次兩個人諗到想食放題，見到荃灣附近有一間叫做「大井町日式放題」，就上去試吓，店員安排我哋兩個人坐卡位位置，座位寬堂而舒適，而且餐廳大部份嘅位置都係以卡位設計，空間好大，差不多枱枱滿座，非常熱鬧。有差不多十多款嘅放題點菜紙，分門別類，首先當然係叫「刺身」類別啦，有我最鍾意嘅「三文魚刺身」同埋「甜蝦刺身」，望落去刺身拼盤非常新鮮，食落去每一款刺身都好有鮮味，特別係我至愛嘅甜蝦，就算唔點豉油食都覺得好鮮甜。「壽司」類別都有七款選擇，有我最鍾意嘅「火炙壽司」同埋「軍艦壽司」，特別係「火炙三文魚腩壽司」，望落去三文魚好光滑，燒一燒之後更香，食落去有啲creamy嘅感覺，好特別。不過值得一試就係佢哋啲「創作壽司」，同出面嘅日式放題好唔同，比較多花款，而且係有心思設計，最緊要係壽司新鮮，特別係「蔥花吞拿魚腩海膽」同埋「松葉蟹腳壽司拌蟹面鼓」，食落去有唔同嘅口感，再配以壽司上面嘅小小醬汁，特別滋味。「熟食」方面必定要試佢嘅「芝麻雞翼」，炸得好香脆可口，食落去雞翼肉質鮮嫩，肉質都汁滲透晒出嚟，點小小沙律醬食，簡直無得頂。「海鮮燉蛋」都非常吸引，裏面有好多唔同嘅海鮮配料，面頭已經見到有瑤柱粒，食落去燉蛋