Ember (已結業)

铜锣湾除咗有好多shopping嘅大街，宁静嘅小街都好适合行下，特别系去觅食，今次就拣咗呢间Ember。餐汤同出面龙虾汤唔同，呢度利用干邑带出龙虾汤味再配搭虾肉增添口感。呢个汤一定要试吓。前菜利用牛油混合清酒调味，无论系蚬定磨菇都好入味。要注意，辣味会慢慢涌上来，而且比想像中辣。威灵顿牛柳唔系间间餐厅都有呢款菜式，因为制作好麻烦。无论系整酥皮、准备牛柳都好花功夫。呢度嘅威灵顿牛柳做到皮脆肉软，加埋中间磨菇蓉嘅烟韧，味道有提升到。唯独系牛柳嘅肉汁未够香，如果渗埋入酥皮内部就更正。好彩配菜方面有去皮嘅车厘茄同菜，令你食完冇咁大罪恶感。甜品菠萝雪葩。食完咁heavy嘅嘢用菠萝甜味清返个口，啱啱好。系铜锣湾想揾个地方落脚食饭，用$400有找嘅价钱食到咁多嘢同保持到质素，绝对系值回票价。