影片
更多
2020-07-10
3514 浏览
两个月多前嚟到D2 Place嘅「走肉蔬食研究所」食晏时，路经时已留意到呢一家健康餐厅「Pickabowl」，除因为门面够醒目外，主打健康嘅夏威夷盖饭亦喺吸引小弟望多两眼嘅原因之一。今回就乘交收之便，约咗晌附近住嘅表姨甥女嚟呢度食饭。其实，晌门口望入去都睇晒餐厅嘅室内环境喺点，可以讲喺装修简约，光洁明亮，而基本防疫功夫都做足。近几日疫情好似有啲反弹，食肆有做足，心理上点都会感觉好啲。门口就有电子显示屏餐牌，上面喺配搭好嘅指定款式，唔喺讲笑，数一数，由A至S共19款，非常多元化，定价为$58-$106，「bowl」底更有多款选择，如白饭、糙米、黄姜椰菜花……而且，仲可以追加额外食材，以及多加$25升级为套餐，多咗温泉蛋、鲣鱼昆布汤及甜品。下面个餐牌呢？就喺DIY自选，基本起表价为$84，同样可以追加额外食材，以及多加$25升级为套餐。此外，亦提供加配饮品优惠，如汽水（+$6）、蔬菜汁（+$12）、鲜榨果汁（+$22）。唔嗌嘢饮无问题呀，餐厅都备有净水俾大家，供各位自由取用。其实，夏威夷盖饭（Poke）喺啲咩嚟？餐厅内有张海报，一段浅显嘅文字就解释晒。简单嚟讲，就喺将鱼生、蔬菜切成一小口呎
其实，晌门口望入去都睇晒餐厅嘅室内环境喺点，可以讲喺装修简约，光洁明亮，而基本防疫功夫都做足。近几日疫情好似有啲反弹，食肆有做足，心理上点都会感觉好啲。
门口就有电子显示屏餐牌，上面喺配搭好嘅指定款式，唔喺讲笑，数一数，由A至S共19款，非常多元化，定价为$58-$106，「bowl」底更有多款选择，如白饭、糙米、黄姜椰菜花……而且，仲可以追加额外食材，以及多加$25升级为套餐，多咗温泉蛋、鲣鱼昆布汤及甜品。
下面个餐牌呢？就喺DIY自选，基本起表价为$84，同样可以追加额外食材，以及多加$25升级为套餐。
此外，亦提供加配饮品优惠，如汽水（+$6）、蔬菜汁（+$12）、鲜榨果汁（+$22）。
唔嗌嘢饮无问题呀，餐厅都备有净水俾大家，供各位自由取用。
其实，夏威夷盖饭（Poke）喺啲咩嚟？餐厅内有张海报，一段浅显嘅文字就解释晒。简单嚟讲，就喺将鱼生、蔬菜切成一小口呎吋，加入饭底，配上酱汁即成，感觉有点鱼生饭呢！理念喺让人食得丰富，天然，营养均衡。
餐厅营运比较有少少快餐模式，晌门口嘅收银枱落单，再分配一个传呼器，一响就可以出去拎。如果有时店内唔喺咁繁忙，店员仲会主动帮手拎俾你。
慢煮天多利烤鸡 $70先介绍小弟嘅选择，指定款式嘅盖饭有唔少都加入咗亚洲元素，而我拣嘅呢个就明显喺加入印度元素。除慢煮天多利烤鸡外，仲有大量青瓜粒、车厘茄、蟹籽及中华沙律，色泽艶丽，饭底选上黄姜椰菜花配糙米饭。
慢煮天多利烤鸡
$70
21 浏览
0 赞好
0 留言
佢哋嘅糙米饭唔会好硬，因为糙米跟白米占嘅比例唔太高；而啲黄姜椰菜花轧碎晒，口感有啲似小米。
升级套餐 +$25上文都讲过可升级转为套餐，包温泉蛋、鲣鱼昆布汤及甜品，只温泉蛋真喺几掂，一笃开蛋黄澎湃咁涌流，捞饭就最正。
而鲣鱼昆布汤味道比较清，反而欣赏汤内嘅豆腐粒，非常滑溜，又有豆香。
甜品我哋两个都唔同，一款喺柑味布丁，另一款喺焦糖布丁，小弟拣前者，啲柑味劲突出，布丁嘅质感亦十分软绵。表姨甥女话佢嘅焦糖布丁睇落好似平平无奇，查实啲焦糖晌晒底，布丁又有蛋味。
夏威夷四重奏 $106表姨甥女就拣咗兜劲嘢，点劲？咪劲丰富虽，饭面有辣味三文鱼、经典吞拿鱼、泰式熟虾、牛油果，仲夹杂啲菠萝粒、青瓜粒、甜椒、生菜……等等，饭底选咗白饭配黄姜椰菜花，同样砌到一大碗，色彩缤纷亮丽。由于小弟无试，就不便评论，但听佢分享，鱼生新鲜，熟虾爽口，牛油果够晒熟，非常好食，更大赞清爽怡人，仲十分饱肚添。
蜜桃汁、芦荟乐 +$6 / 支本来都无打算嗌埋嘢饮，因为升咗级，有汤饮，但见只喺+$6，所以，就拣咗两罐特别啲嘅。小弟饮蜜桃汁，味道清甜，而且，仲带有少少果肉，又真喺几唔错㖞。
食完之后，仲有啲手尾，自用餐盘自已执，如方便，店家都鼓励客人帮忙收拾，晌餐厅尾，就会见到个餐具收集处，依家都几多店家会咁做，上次晌「走肉蔬食研究所」都一样喺咁。
近排唔使讲，大家都觉得天口热，郁啲都上到32°C、33°C，食呢个夏威夷盖饭就最爽，既清新，又健康，最紧要味道亦喺唔错，所以，值得褒奖！
张贴
