嘆撈

营业中

休息中

其实之前都食过好几次，但实在因为真系太高质，所以每次想食甜品，都会忍唔住自动自觉咁过黎食。🤦🏾‍♀️铺面细细，所以如果想一大班人过黎食，要有心理准备要排好耐。今次就友人嗌左两个甜品，一中一西。首先，系我每次黎都必嗌嘅岩盐拖肥Oreo鲜忌廉窝夫。呢度嘅窝夫整到劲轻，夸张啲讲，轻到有少少似忌廉，所以系必食。加埋岩盐、拖肥同Oreo，全部都系我钟意嘅野，超邪恶但劲like👍👍姜汁三色芋圆。芋圆份量大方，有好多粒，都各自食到芋头、番薯、紫薯嘅味。不过略嫌姜汁太甜，唔够姜味。总括黎讲，价钱合理，质素高，特别系窝夫，系值得我一再回头嘅甜品铺。