蘭芳園

营业中

休息中

有位同事之前被调职，今日终于回归和我们一齐工作，所以中午便决定去大家都钟意的"兰芳园"食午餐，由于餐厅好受游客欢迎，经常都门口排长队，估唔到今次去到无人排，所以侍应就好快安排左坐位，入到餐厅眼看都已全部坐满。因为都唔系第一次食，唔驶点睇餐牌，就落单要碗猪软骨喇沙，配奶油猪仔包，另外要杯餐厅出名的"茶走", 同事就叫左个猪扒蕃茄通粉喇沙汤唔太辣，有少少椰香，猪软骨煮得非常淋，加上又入晒味，另外猪仔包外表睇落似好硬，但食落好松软，还有涂上奶油，味道一流，而杯奶茶更加唔错，奶和茶的比例啱啱好，十分香滑。