Hygge (已結業)

朋友话哩间餐厅嘅甜品好特别，有个氢气球甜品，点知原来其他菜色都有惊喜！是日餐厅汤系南瓜汤，平时唔系好钟意南瓜味，但都觉得好好饮，好香甜！叫左松露杂菌意大利饭，一上枱就闻到阵阵松露味，好香！饭软硬到度适中，而且奶油味唔重，所以唔会食到好腻。另外都叫左油浸鸭脾，上面有一旧仔香煎鹅肝，虽然鹅肝味唔算好重，但煎得好香，鸭脾煮得好嫩滑同埋好入味，中意食鸭脾嘅人可以一试！终于到左今日黎嘅重点，就系氢气球甜品，只要叫甜品就会送氢气球，系用糖做，玩得又食得，创意满分！我地叫左伯爵茶奶冻，奶冻好香滑同埋茶味浓，香甜感觉最岩做饭后甜品！