Superhooman (已結業)

约咗一个好耐好耐冇见嘅中学同学相聚，朋友建议呢一间新开嘅Cafe，我平时好少去天后区，都特登过嚟一试。12:30 去到发现门口已经有好多人，店员叫我留电话，而且都讲定比我哋听会等1小时以上，叫我哋去其他地方行住先，到枱嘅时候就会打俾我。同朋友去咗另一间餐厅吃午饭，接近两点嘅时候，我哋自己返到间cafe，啱啱好就到我哋啦。店员都非常有礼貌，虽然好忙碌，不过照顾周到。由于已经吃左午饭，同朋友就一人一杯咖啡，加baby pancake Share食。环境几特别，而且位置都算舒服。要左Hot Flat White， 未算一试难忘，不过不失。个pancake都几得意，我想试呢一种细细个嘅pancake好耐，配埋山楂士多啤梨汁系几match👍🏼