茶記冰室 (已結業)

今日朋友新屋入伙，去咗佢葵涌附近嘅新居坐吓，倾到晚饭时间，朋友提议落楼下揾吓有咩好嘢食，所以我哋就两支公周围逛一逛。行行吓，我见到有间叫茶记冰室嘅餐厅，印象中好似系其他地方都有去过，朋友话未试过，咁就同佢试试啦！餐厅本身企理干净，有特意装修，睇得出系想有少少怀旧feel果只，特别系地砖所用嘅系怀旧花纹，我之前装修都有谂过用依只砖。入去坐低，服务员即刻同我哋介绍餐牌同招牌菜，佢推荐左个羊腩㷛俾我哋，我亦都见周围好多人都食紧，应该系时令菜嚟，可惜朋友话唔食得羊，所以冇叫到。由于餐牌都好多嘢可以拣，所以我哋都用左成五分钟拣食啲咩！最后问埋服务员心意见，我哋先可以落order，依度都要多谢服务员嘅耐性，因为我同朋友都唔系咁有主见既人黎。先嚟嘅系应该跟小菜送嘅中汤，冬瓜瘦肉汤，可能我同朋友都系唔多汤水果只啦，好快就KO左碗汤。之后等左一阵，第一碟𩠌嚟啦！系芥兰鱿鱼㷛，芥兰嚟讲，炒得好香，食落爽甜，再加上鱿鱼嘅鲜味落去，冇得弹啦！第二样嚟嘅系黄金虾球，睇相就知有几正啦，虾球大大粒，全只包住啲咸蛋嚟炸，唔好食就真系有鬼啦！建议用白饭送，会balance返啲。第三样𩠌系椒盐九肚鱼，食食吓都听到隔离话，