群記清湯腩 (已結業)

住左大埔咁耐 群記清湯腩 聽就聽得多 平時行過見到咁多人 但都真係咁多年都未試過🤔 佢既人龍永遠都係咁長 同埋佢賣晒就收工 反而平時d朋友會山長水遠入黎試 今日就同朋友試下～ 鋪面唔大 大約可以容納20-30人左右 仲要坐到好逼 大約等左20-30分鐘左右 可以入去 餐牌上全部都係牛既不同部位既粉麵🤔 咁難得排隊入到黎 叫碗最貴既爽腩河🤣🤣 一碗粉可以賣到咁貴 又咁多人排隊一定要試試佢😆一黎到 的確有陣好香既牛味 先試左湯 好有牛味睇落好油但又飲落唔係好油膩🤤🤤 再試佢既牛腩 的確好唔錯 唔會好硬咬唔開 平時我食咩粉麵都要落辣椒油 但我為左食佢既原汁原味 我唔落辣椒油都好好味！ 不過佢爽腩唔可以外賣 要食既朋友仔就要黎排下隊啦🙈