龍尾軒

营业中

休息中

而家出街越嚟越少人食中菜好味嘅顺德菜更加难揾，今次就特登带父母嚟试最近好多人讨论嘅龙尾轩。地点位于大尾督，喺大埔转van仔入嚟20分钟左右，一落车入到村会见到一间有中式格调嘅餐厅，喺门口隔离仲整左个凉亭，如果日头黎可以坐出面真系几有风味。讲返野食，叫咗妈咪心心念念嘅顺德煎酿鲮鱼，我第一次食但都feel到果种手工味，鱼皮又薄又香脆同入面鲮鱼嘅香味配搭出层次感。另一味豉油王干煎海虾，D虾大只又入味，绝对系今餐嘅亮点。成日听人讲炒饭系最睇到厨师嘅功架，食完呢道鲍汁鸡粒炒饭就明白晒。原来呢道嘅主厨曾经喺富豪饭堂福临门厨师主理私房菜，唔怪得连平平无奇嘅杏仁茶都可以咁好食。