全日雞實驗所

营业中

休息中

久仰大名特地来到北角拜访。温泉海南鸡饭餐，我哋加咗$10转鸡髀。包括有 - 香饭+靓汤+小黄瓜+三色酱+冷泡乌龙茶，唔同部位嘅鸡有唔同价钱。桑拿瑶柱肉饼 $12，价钱一般，可接受。海南鸡的确几嫩滑有肉汁，有鸡味，鸡皮系弹牙爽口，一啲都唔油，好好食，个鸡有七至八旧，份量亦都唔少，比想像中多，质素唔错。油饭几多，但系就有啲唔平均，好干又散、无油香。椰子鸡汤清清甜甜，都几好饮，饮品方面鸟龙茶正常够冻又冇冰。反而老公话肉饼做得出色，咸甜适中，肉质弹牙。一旧圆波型，食落几香瑶柱味，食到一丝丝摇柱，好咸香，好食，听闻都系必点。整体来讲质素都唔错，虽然冇乜太多惊喜，但性价比几高。美中不足唔算好近，要入商场再行落去先到。