四川美味 (已結業)

呢间四川美味已经食左几次，不过之前都系试佢既手工凉皮，都几好食今次就试左佢既凉面，但冇谂过凉面比佢更好食。平时佢门口前面都几多人排队，可能因为佢又平又好食。我叫左个凉面（＄20）加面筋（＄8），都系＄28咋。店员会即刻系面前拌个面，你可以望到佢加咩菜落去👍🏻佢有大中小辣拣，但我唔食得辣，就叫左一个走辣既凉面，不过因为用同一个锅拌既，所以都有小小辣，都仲接受到既😂一打开个盖，就见到好满既配料😍佢加左好多既芫荽落去，但个味系我本身唔食芫荽既人，都好中意食😂😂d面即拌都好入味，又有青瓜，好爽口好啱夏天食。特别系d花生，食到最后都好脆！同埋相比粉皮，食面系更加饱，同埋有d淀粉质落肚咁，作为晚餐都唔错～