裕記大飯店

营业中

休息中

喺香港要食烧鹅，最多人识的系裕记 。就算你未食过，都实识佢个名，因为由细到大睇电视都睇到裕记的广告，黄色的鹅著住绿色围裙的商标。大左开始食唔同地方的烧鹅，今次黎深井，真系要一试佢的味道！ 山长水远入到黎，见到餐牌都有好多其他小菜，但梗系要食返烧鹅，要食半只！再加个菜就够喇。但半只烧鹅都有分正常（$270）同特大半只（$300）。咁我地叫左正常大小就得。烧鹅好快就上，皮脆肉嫩，整体都好出色，果然名不虚传。 首先食左只脾的部份，肉质嫩，仲有肉汁，中间肥膏师傅处理左，唔怕好肥腻。 唯独特的烧鹅肉味唔系好出，同食到胸肉位就有啲鞋喇。另外叫的菜系蟹肉扒西兰花，卖相好靓，亦都好香。有满满的蟹肉丝伴西兰花。蟹肉份量好多，不过直接食蟹肉就淡而无味了。烧鹅卖$270半只都唔系平价，当然会有期望同要求，整体黎讲表现中上，值得回味，但未到一试难忘。