One & A Half (裝修中)

左去元朗形点一间cafe打卡😋😋😋，头舖唔算大，但装修都几时尚简约，采用半开放式厨房。婴幼儿配套都唔错，除咗有bb櫈，仲都3个bb餐俾你拣，适合一家大细一齐去👍🏻👍🏻👍🏻佢个98套餐都抵食，有晒沙律、小食、主食，餐饮、餐汤同甜品，饭仲有唔同口味俾你拣添，我地今次叫左波菜奶油三文鱼同日本味噌烩牛肉，配温泉蛋酱油渍饭同牛油粟米饭，bb餐就拣左茄汁烩鸡肉丸。波菜奶油三文鱼食落唔会太漏，鱼肉都唔会干柴，啲汁有好香既蒜香味，值得一试。而日本味噌烩牛肉就麻麻啦，两者味道唔太夹，我同朋友都唔钟意🤣🤣🤣小食叫左日式牛肉薯饼、日式凉拌豆腐同吉列广岛蚝，两样炸物都好食，炸衣唔会太厚又脆，日式凉拌豆腐就正常发挥。餐饮方面必须赞下紫芋头奶昔，好香芋头味同奶味，又唔会太甜❤️❤️❤️甜品有荔枝冰粉同迷你味噌焦糖苹果酱新地，荔枝冰粉荔枝味好香，都唔会太甜，颜色粉嫩，卖相一流，而另一个可能我地食唔惯咁创新既口味，觉得下次可以唔驶再叫😅😅😅