榮記粉麵

营业中

休息中

食得车仔面当然系贪快贪方便啦，随手点几个钟意食嘅𩠌快快手医肚。但系点样令唔同嘅𩠌菜摆落同一碗粉面度而又唔会相撞，就系比较少人谂嘅问题。我觉得大家可以嚟荣记揾答案。荣记话畀我哋听，答案系腩汁。我敢讲腩汁系荣记嘅镇店之宝，先唔讲佢哋𩠌菜本来就做得出色，车仔面之所以能够成为车仔面，更加系因为我哋可以系一碗面入面揾到何谓调和。试下去想像，无论系弹牙入味嘅墨鱼头，定系肥瘦适中嘅猪颈肉，更加唔使讲食极唔厌嘅猪大肠，佢哋每一样都系独当一面嘅。如果无咗腩汁，同埋浸系底嘅西洋菜，相信好难会觉得你食紧嘅车仔面，仍然系你最初认识嘅车仔面。