豚道樂 (大河道) (已結業)

今日去荃湾食lunch，天气冻冻地特别想食啲热嘢暖下个胃，又要快食咁食碗拉面就刚刚好，所有就揾咗呢间试下间舖地方细细，但都坐咗一半以上，好彩仲有吧枱坐到人，唔系就要排队啦。一坐低唔好讲咁多即刻拎落单纸填要边款拉面先！佢餐单上都有7款唔同汤底你拣，我胆粗粗就拣咗个芥末汤底加$13转特上丰富啲。中间等咗5分钟度，碗面就上枱啦。淡绿色的芥末汤底，传出阵阵香喷喷嘅芥末味，加上丰富嘅配料，真系令人食指大动。试饮一啖汤，食得到芥末但唔会好呛，微辣，好浓郁。面嘅软硬度适中，食落爽口，不过唔好大力索啲面，唔系会比芥末攻亲😂最后，两块叉烧一肥一瘦，食落好香好有肉味，比我可以食多两块😃另外，如果你拣辛辣味噌拉面仲有嘢饮送添，早知我拣食呢个啦。