又一間餐室 (已結業)

今晚八点几我同我女朋友经过美孚曼克顿见到呢间餐厅环境好似几好，望入见到都好似几多帮衬，所以就同我女朋友入去试下，坐低环境ok，原来仲有西餐同日本餐选择，日本餐比较有气氛同干净，啲侍应都几靓女，哈哈哈…所以就就同女朋友行入去日本餐果边，坐位超大都几舒服，之后我地问个侍应有咩好介绍，出奇地个侍应好有耐性咁问我地有冇对咩食物敏感或者吾食得，劲细心，最后我点左个招牌猪扒意粉同一个寿司便当，上餐时间都算快，吾洗等好耐，眼见师傅即场整好个便当，侍应就即刻攞过黎，劲快，good！其实当时已经有六-七枱客，得一个侍应，旦系见佢做野都好快，亦都好有礼貌，至少吾会好似其他餐厅咁，叫极都吾应人！另外个焗意粉都吾错，好香，猪扒好入味，意粉够弹牙，寿司便当都oK，侍应上餐果阵仲会帮我地开埋盖，都几有服务水准，埋单都吾洗2百蚊，抵！之后我女朋友睇到餐牌夜晚有中式小菜套餐，仲好似有甜品送添，咁嘅价钱，咁嘅服务，下次一定会再落黎，试下其他野食！