Candies Foodies (已結業)

喺facebook见到广告专程黎试个海胆饭😍book左七点三我地七点去到都即刻可以入座睇食评见海胆饭会好早卖哂 好彩仲有！咁当然即刻叫左一份啦！老板话原先只海胆卖哂 俾只靓啲既我地不过我唔记得系咩地方喇~个饭已经有海胆汁捞好 味道几甜捞埋成板海胆一齐食好味啲 冇海水味！👍我地两个女仔share 系唔够食既😂😂再叫左一个小食拼盘(自选三款小食)我地拣左吉列蚝、香草烤猪肉肠同埋薯格另外又叫多左一个risotto有少少干~我觉得呢间餐厅食物份量偏细(可能我地两个女仔都大食😂)不过老板同员工态度都好好例如用餐途中有个员工执枱唔小心倒泻杯水其实只系整湿左我同朋友只鞋少少𠮶位员工讲左好多次唔好意思 问我地有冇事我地讲左冇事 话唔紧要佢都仲主动拎左几张纸俾我地抹依家真系好少有服务性行业既人咁好礼貌！临走前仲可以免费夹一包糖走😊😊我贪心 夹到满满一包 哈哈总括黎讲 系值得一试既~