碗碗香 (已結業)

今日返工系开附近，咁岩又有时间，留意左好耐，终于可以来一尝呢度既贵州牛肉粉。位置比较隔涉，揾左一阵，终于比我揾到😄舖位唔算大，但干净企理，又有点特色。入到去坐左门口位附近，叫左个红油牛肉粉。失礼讲句，睇唔出店员咁好礼貌，直觉上叔叔好似比较粗犷😂都几多选择，仲有甜品食既呢度，赞一赞觉得menu几细心，有写明有咩配料可走亦可加，清晰唔洗估估下👍🏻好快就来到，几大碗下，牛肉貌似五香肉丁，但食落够淋唔痴牙有牛香，连带一d牛筋位，都好够淋香，加上牛肉量多。伴住有d酸菜，睇得出系自己餣，味道刚刚好。我叫左中辣，个人觉得辣度适中，食到辣又有本身汤既味。而贵州粉有d似粗身d既米线，爽滑但又食落有d上海面既感觉，几得意。同时间见到其他客人叫口水鸡，其实都好想试，但一个人食唔到咁多，还是下次再试啦～另带一提，再赞店员叔叔，因为系烫门，张枱都几贴门口，叔叔每次开门都会好小心睇下会唔会整到人，而且每位客人点菜佢都好好声气。听到有位客人话想要纸巾（见到收银位放左sample出黎有写$3/包），好多时正常都会直接讲3蚊啦。见到叔叔回应系：一包$3有无问题？ 待客人回应ok后先帮客人落埋单。个人感觉几有heart❤️