太元樓

营业中

休息中

又到一年一度既冬节！今年难得有朋友提议一齐食冬节饭，当然要聚一聚啦！刚好朋友家附近开了间新既上海菜餐馆 「 太元楼 」，见环境很不错，就早几日预约。首先点了太元鸡，有点似炸子鸡，鸡皮香脆，鸡肉鲜嫰滑囗，味道不错！点少少酱汁吃，令味道更加提升，更加惹味！见隔离枱既乳鸽好似好正，原本都想叫，不过已经叫左太元鸡，所以都系叫其他。（其实系朋友想食黄金虾就真😂）黄金虾一上枱，我朋友已经急不及待拎起筷子🙊卖相的确吸引，大大只金黄色，好香！炸得脆卜卜，连虾壳都可以吃，一边啜着咸香既蛋黄粒，一边品尝爽甜既虾肉。虾肉保持鲜嫩，不会煎炸得过老，啖啖肉，非常惹味！最后一道菜 - 紫心蕃薯浸苋菜!非常健康好味既一道菜，而且都几大碟。紫色蕃薯很甜，有口感，健康之选！