麺処一家 (已結業)

上个月系苹果动睇到介绍左呢间新拉面，寻晚咁岩行过就去望下。六点半去到，好彩唔驶排队。有妹妹推介(面+猪肩肉)同弟弟推介(面+猪腩肉)，我想一次过试晒猪肩同猪腩肉，所以就叫左店长推介，加埋蛋$118，免加一。碗面黎到，卖相算系唔错，仲闻到阵阵香味。糖心蛋够入味，猪肩肉就真系好滑，猪腩好似系用火枪灸过，D油出晒黎，好正。面身够弹牙，汤都好浓但系好油，不过为左好味肥少少都值得。Overall除左价钱小贵之外，都好值得推介。