凝香居

营业中

休息中

成日都好想饮夜茶，终于发现到红桥有一间！约咗男朋友星期二收工后齐齐叹夜茶🤙🏻我哋嚟到大约七点半，已经有几枱客，舖头空间不大，如果想试都要预早少少嚟。一坐低男朋友就嗌饿，即刻嗌咗几样嘢🤣值得一赞嘅系，呢到上菜速度极，而且全部嘢食热辣辣🥰🥰好耐冇食过热辣辣、脆卜卜嘅蛋散🥳大部分酒楼都系摆咗好耐，又冻又淋😵蒜泥白肉都唔差，同谭仔三哥比，别有一番风味😄葱花牛肉肠🐮姜葱牛柏叶，好大份而且都几入味虾饺又系好surprise到我！本身唔系好中意食虾饺，因为通常𠮶皮都好厚😵，但呢到嘅虾饺𠮶皮做得好簿，男朋友都话好食👍🏻👍🏻👍🏻烧卖和牛肉球都唔错鲜虾腐皮卷又系好鬼死脆😭💕最后饮埋个炖汤，又足料好够味，好满足🤰🏻下次带屋企人嚟试下先！