十和田總本店

营业中

休息中

之前经过见到都多人帮衬，终于前几日就同朋友去咗食lunch试吓佢。lunch meun都多选择，但系有少少美中不足嘅系自己部电话太细，scan QR code落单嘅时候，啲相太细冇得放大，同埋冇写到入面包括边啲寿司。例如”午市寿司套餐”，张相大约估到几件明显少少嘅 （三文鱼，吞拿鱼 & 鳗鱼), 其他就睇得唔清楚，要估个套餐有咩其他寿司🧐。最终决定咗食三文鱼亲子丼，大约～$120。碗丼好大碗，好多料，而且都几新鲜。啲三文鱼唔系切片咁铺上饭面，而系大大粒角切咁一大堆放上饭面。钟意食三文鱼嘅人应该会觉得好满足，因为份量十足同新鲜。但当我食到一大半差不多饱嘅时候个waiter先俾个面豉汤同蒸蛋我😑。另外个朋友叫炸鸡乌冬漏咗单。总括食物方面值得一试，价钱可能比较贵，但份量多，值回票价。服务方面就有进步空间。