影片
更多
2022-06-18
339 浏览
网上见到香车街街市新开左间米线舖头，正面同负面评价有D极端。趁平日放假，特登约埋朋友过黎试下佢既味道。睇下好食定难食。位于街市入面，认真，我地坐系风扇位旁都觉得好热，边食边出汗..用QR落单，好快就有职员覆你一次单，无问题就等上菜~佢主打鲜鸡鱼汤汤底，仲有其他滋补汤底，D人推介花胶鸡汤加鲜鸡脾~我同朋友分别各叫一个汤底。朋友食《厨师发板》鸡汤，我就食 《鬼马油炸鬼同鸡皮饺子》鱼汤。朋友话鸡汤似有用花胶煲，饮落有d (gen)口，唔会觉得口渴。鱼汤我就觉得鱼味唔太出，如果可以浓多少少就掂啦~米线方面，软硬程度还好，份量都够一个女仔胃口！佢既炸物我觉得做得唔错，个鬼马油炸鬼入面有虾胶，炸到脆卜卜，又唔油腻﹐可浸汤或直接放入口(食完爱上呢𩠌)~~不过个鸡皮饺子我就唔太识欣赏啦..鸡皮包饺子馅，鸡皮有d难咬，不过个鸡皮唔会话好油…试吓就算啦特别推介《厨师发板》，一个价钱有最少十款𩠌，仲要有埋炸物，十分抵食！佢果日有几粒唔同味既丸、木耳、大肠(有d韧，唔太入味)、腩肉(太肥)、猪润(大大块唔腥)、竹笙、猪软骨(够淋)、炸鸡翼、油炸鬼、豆卜、冻食墨鱼(太大旧有d难咬开)最特别系有支装汽水(不过支装
趁平日放假，特登约埋朋友过黎试下佢既味道。睇下好食定难食。
位于街市入面，认真，我地坐系风扇位旁都觉得好热，边食边出汗..
用QR落单，好快就有职员覆你一次单，无问题就等上菜~
佢主打鲜鸡鱼汤汤底，仲有其他滋补汤底，D人推介花胶鸡汤加鲜鸡脾~
我同朋友分别各叫一个汤底。朋友食《厨师发板》鸡汤，我就食 《鬼马油炸鬼同鸡皮饺子》鱼汤。
朋友话鸡汤似有用花胶煲，饮落有d (gen)口，唔会觉得口渴。
鱼汤我就觉得鱼味唔太出，如果可以浓多少少就掂啦~
米线方面，软硬程度还好，份量都够一个女仔胃口！
佢既炸物我觉得做得唔错，个鬼马油炸鬼入面有虾胶，炸到脆卜卜，又唔油腻﹐
可浸汤或直接放入口(食完爱上呢𩠌)~~不过个鸡皮饺子我就唔太识欣赏啦..
鸡皮包饺子馅，鸡皮有d难咬，不过个鸡皮唔会话好油…试吓就算啦
特别推介《厨师发板》，一个价钱有最少十款𩠌，仲要有埋炸物，十分抵食！
佢果日有几粒唔同味既丸、木耳、大肠(有d韧，唔太入味)、腩肉(太肥)、猪润(大大块唔腥)、竹笙、猪软骨(够淋)、炸鸡翼、油炸鬼、豆卜、冻食墨鱼(太大旧有d难咬开)
最特别系有支装汽水(不过支装ml数较罐装少)，我见餐牌除左汽水好似无其他港式饮品…
整体呢讲，一定唔够楼上果间咁好味，不过对于新开既米线我觉得呢间可以再去光顾，希望下次再去既时候d𩠌有改善下次我都系直接拣《厨师发板》啦~~
张贴
