桜

营业中

休息中

咁多年寿司外卖都系食X洋市场𠮶间，以前有优惠储印仔有嘢食送，计落价钱都几抵，而且质素唔差，之后冇咗优惠价钱仲越加越贵，早排食过一次真系觉得要揾第二间试吓。揾咗几间后尾就试呢间桜Sakura，经foodpanda订有折，见佢都开咗一段时间不过一路都冇试过，佢剩系得手卷、丼饭、小食同炸物，主打系手卷，小食同炸物款式就唔系太多，今次试咗炸鱿鱼须、三文鱼手卷、鳗鱼手卷、海胆鱿鱼手卷、蟹子沙律手卷、火灸带子手卷、炸虾手卷同芥辣八爪鱼手卷。鱿鱼酥有惊喜，份量足而且炸得好好食，老公话鳗鱼手卷好食，海胆鱿鱼手卷就冇乜特别，下次唔会叫因为价钱比较贵少少，其他样様都几好食，埋单唔贵性价比高，其实手卷同寿司都差唔多，只系手卷要自己卷。