王林記潮州魚蛋粉麵

营业中

休息中

呢间舖头嘅切腩捞粗应该唔需要我多介绍。喺筲箕湾东大街扫街，顺便经过舖头买咗个外卖，见咁多人介绍所以好奇想试吓。切腩虽然比较瘦，但系一啲都唔韧，淋身得黎唔会好似汤渣咁冇晒味，牛肉味浓郁。粗面爽滑，捞咗豉油好够味。外卖都会跟一个汤，而个汤亦都系相当浓郁。嘅最贴心嘅位系外卖都有包埋一细盒嘅辣椒，𠮶个辣椒配捞面都相当惹味。口味嘅嘢系好过人嘅，但系呢一间已经系我试过咁多粉面舖里面比较出色，第二道揾唔到呢个味道。如果去开筲箕湾东大街真系值得一试。