一虎

营业中

休息中

10月24号7:00pm晚市个白色T-Shirt男职员服务好好，得佢自己一个人打理哂所有落单，送菜，执枱，睇住佢每一次有人走佢都消毒张枱，系咁忙嘅情况，都仲好有礼貌好脾气，识得按抚d客话配菜牙菜转过头refill送过嚟，招呼哂全场冇欺场，真心佩服值得一讃！！原本未开店时6点前到未有人，所以系对面等，好搞笑地一到6点d人突然之间唔知系边度涌出嚟，突然好长龙，冇心野准备去抢位🤣 慢慢行去排，我排个位差唔多龙尾，排咗一个钟左右，7点入到去，点菜d食物大约10分钟到，都好快。我哋亦都食得好快，食咗15-20分钟就食完，让张枱等其他人快d有得食。食物方面，饺子冇乜特别，可叫可唔叫。叫咗个$138乜配料都有齐嘅拉面。一碗粗面，一碗幼面，自己唔系好分到个分别🤦🏻‍♀️个流心蛋超靓仔，高水准，超流心好味。如果你食得辣，配菜牙菜令碗面加唔少分，好爽口，但又好辣。碗面个义烧冇乜特别，原味汤底饮咗几啖，比较咸。可惜今日柠檬拉面sold out，试唔到。