幸福麵館

营业中

休息中

本来想食隔篱𠮶间日式蛋包饭，点知人哋晚市一定要订位，所以就嚟试吓呢间车仔面。见其他食评推荐猪猪面餐，就叫咗个，另外叫咗个三𩠌面，猪软骨、冬菇、腐竹米 。猪猪面系有猪手，猪皮，猪红 。猪手系卤水过嘅脑汁同其他餐厅有啲唔同，偏向台湾𠮶种，有药材味嘅卤水。炆得唔会太腍，有啲咬口。另外，猪红猪皮味道就同大部份餐厅一致。猪软骨都好好味，冇汁系偏甜嘅肉都炆得好腍唔会黐牙，最夸张嘅系份量，整整三大嚿猪软骨，食完呢个𩠌都几饱。每一个𩠌都可以拣唔同嘅执底，佢又腩汁沙嗲咖喱等等，仲可以挑选唔同嘅辣度，我见佢枱上边有摆咗罐辣味鸡粉，所以面冇叫太辣，但系我发现佢枱上嘅辣粉同后厨加嘅𠮶种辣汁系唔一样，后厨嘅辣汁系更加惹味 。埋单100出头，真系几抵食 。