京都一の傳

话说因为有海港城美食券，所以决定试吓呢间名店😄以往路经总会见到大排长龙，估计应该都系好食嘅舖头，至可以吸引咁多人愿意花时间排队😅星期四晚上约7点半，无需等位即可入座😄都算好彩🤔呢间舖头系完全冇任何套餐，只可以按餐牌上单点，因为份量相对少，所以价钱都有啲贵😅虽然价钱相对贵，但系质素亦都非常好，所以成日都话食好西系要付出代价嘅，而今次用埋美食券，真心觉得非常抵😂斋睇啲用具，都觉得赏心悦目烧海胆年糕（$88）海胆鲜甜好味，不过年糕烧完有啲硬😅熊本A4和牛盐烧（$348）侍应建议3成熟，生生地反而食到好香嘅牛肉味，而且配合傍边𠮶啲唔同嘅酱料，有唔同嘅香味，值得试👍🏻👍🏻👍🏻藏味噌渍．银鳕鱼（$258）呢个又系必食推介，西京烧银鳕鱼由香叶包住，鱼吸收左香叶嘅味道，去除油腻感觉，加上银鳕鱼口感嫩滑，真系会食唔停口，一定要食.藏味噌渍．豚肉（$138）就系因为呢个香叶包住可以带出嘅好香味，最后加左呢个豚肉，豚肉经过烧烤将多余嘅有分迫咗出嚟，而香叶亦都吸左啲油腻，所以整体系好好食😋