IL Cibo Italian Restaurant

营业中

休息中

有几次行过依条街，都见依间铺有人喺门口做招徕介绍。今次终于有机会黎试。间铺嘅侍应全部都系讲英文，所以我地都用英文点餐。见个lunch set都几吸引，有唔同种类嘅野可以拣，我拣左食意粉。个set虽然无包餐汤，不过一落完order，就有面包送黎。个面包口感几特别，好似蛋糕嘅texture，同平时食开𠮶啲好唔同，而且味道都ok。至于个意粉黎到已经觉得卖相唔错，我叫嘅系蚬肉扁意粉。大概有8/9只蚬，不过d蚬肉算系比较细size。味道方面，成个意粉加左啲garlic sauce，都几惹味，而且意粉嘅软硬度煮得岩岩好，分量又适中，觉得几好食。不过反而系有同事叫左牛排，觉得佢overcooked，太硬又难咬，话下次唔会再点。所以如果我下次食，都系会叫翻依个意粉。