有蒸氣 海鮮石鍋專門店 (已結業)

适逢小妹生日，屋企人带左我去食蒸气火锅🍲我之前未食过蒸气火锅，唔知道边间好食，屋企人就带左我嚟依间位于尖沙咀出名食蒸气火锅嘅餐厅。入到餐厅，员工都非常有礼貌👍🏻👍🏻👍🏻我见大部分食客都系跟set叫野食，不过我地咩都想试下食，所以冇跟set，选择左单点野食。首先食既系黑松露蒸蛋，身为一个黑松露迷，任何有黑松露既食物我都会露出心心眼😍依个蒸蛋好好食，十分之滑，蒸蛋应该系用左上汤蒸，调味适中，配埋面上黑松露，简直系perfect match🤤竹串海中虾，大大只，咬开有满满既虾汁，不过不失。大连鲍鱼鲍鱼大大只，店员蒸既时间岩岩好，食落去好鲜甜，上面放左满满既虫草，非常满足👍🏻👍🏻👍🏻因为妈咪话想食鱼，问问店员有冇鱼，点知真系有，店员都有向我地推介，服务态度好好👍🏻至于依个系咩鱼我就唔记得左，不过真系非常之新鲜，肉质好嫩滑。🤤食左咁多海鲜，系要食返d菜中和下，原本以为菜应该只系普普通通咁放入去蒸，点知胜瓜上都放满了满满既黑松露，成件事即刻高级晒😍到最后就系蒸气火锅既重点，就系最底既粥。依个南瓜滑鸡吸满晒海鲜既精华，鲜甜味美，系一个完美既句号🤤🤤🤤