Le Viet

营业中

休息中

相约朋友去尖沙咀shopping，行到攰想揾野食，就俾menu既椰子焗饭吸引一于入去试一试。个饭一嚟到，真系好超载，个饭装到个椰青满一满，椰汁都流晒出嚟，仲闻到香喷喷既椰子味。上面海鲜、配料亦算多。不过食晒上面充满椰汁个层饭之后，下面既饭稍为干身。另外，我地仲叫左个咖喱鸡配法包。咖喱一直有火热住，味道香浓，再配埋个法包一齐食，好满足。咖哩汁仲可以用嚟捞下唔够椰汁既饭，一样咁好食我地仲叫左个猪颈肉米纸卷同椒丝炒通菜，算系中规中矩。不过个人觉得米纸卷既皮做得太厚，猪颈肉切得太薄，食落去好似食唔到个猪颈肉咁。炒通菜份量太少，但味道唔差。总括而言，系值得一试既越南菜，位置方便，价钱亦唔算贵。