越一越南牛肉粉專門店 (已結業)

突然想食越南河粉，去左粉岭中心地下一间越南餐厅，地方四正企理，墙色以Tiffiany blue为主色，非常清新时尚！越南嘅竹帽做挂饰，餐厅又有越南风景相，喺边度嚟就唔知，有机会我都想再去多转越南，暂时越南足迹只岘港。 越南的春卷分成两种，一种是生春卷（即纸米卷），一种是炸春卷，两种都有点！点了青木瓜大虾米纸卷, 塞满扎肉条、甘笋丝、米粉、青瓜丝、白萝卜丝及生菜，口感颇清爽，米纸唔会太韧，沾点鱼露提提味，唔错。 生菜包著越式炸春卷, 外皮够脆！好味！河粉好似好少，其实只喺碗大，错觉而已，粉嘅份量绝对唔少。汤底几香， 汤色透彻，而猪扒炸得甘香松化，香茅味渗出，切成小件就方便食用。 牛肉优质，入口软滑牛味浓，河粉幼滑，无味精汤底，吃得惬意。 每人配给一份芽菜、九层塔及青柠。按自己喜好加落汤河！目测店员都喺啲后生仔女，服务都算几勤快！难得仲有自家制的甜品拣！不过，太饱了无试，下次吧！